有一種行為真係令人覺得好討厭lo
問你野~問完又唔聽你講~~咁你不如唔好問~
比你問到o個個人真係好冇立場~講比你知~~你又聽都唔聽下~
一個屈尾十...仲大返你轉頭~
你係一開始就覺得我唔得既~達唔到你要求既~你咪唔好問lo~
你咁叻~你咪做晒佢lo
你咩都知丫嘛~~仲咩仲問我意見姐~
你有能力~咪比你做lo

有一班姊妹...黎左我屋企....門口
比左個surprise既....咩呢?!岩岩o個算係咩呢???
慶祝掛~~

o係我打緊機既時候~無啦啦收到karen既電話~~
佢話o係我屋企門口~~有d野要比我wor~~
其實呢個moment~~醒少少既都會估到~~
外面一定唔只佢一個~~

果然~~佢地一班友仔o係出面埋伏~~力高一手面粉就掟左埋黎~~
好采~~(唔知係佢地好采定我好采喇~)~只係面粉~~冇任何液體~~~
天時冷~我估佢地都唔會咁玩自己既~~
而且仲要車返d人出去呢~~

轉眼間~~我地就變左一班粉人...
力高勁low b~o係我整緊其他人既時候~爬左上我門口por樹諗住高d我整佢唔到~
點知反而係佢冇得走~~企定定比我整~~
蠢呀~~~

我地仲食左蓮蓉包~~
多謝一班磨菇既受害者~
包括：
打電話比我既~~泥膠人(Karen)~
第一個攻擊我既~~力高高(Nicko)~
第一個受害既第三者~~鄧子山(Colly)~~
拎包出黎既~~羅長(Monelle)~
冇咩事既尿+魚(加愉)~
李蓉蓉(Yoyo)~
粉紅寶寶(Tracy)~
阿冠(Sammi)~

我要返d相~~post 上facebook啦~~
相信呢一個係史上最冇殺傷力既p人~~ho...ho...ho...

補充
(一)
佢地有一個好大既敗筆....
就係....佢地埋伏得太遠喇~~
下次再有機會既話~~就算危險d都要埋伏得近d~~
係我咁好人先企定比你掟!!!
and then~~唔好打電話叫目標出黎~~
不妨搵佢身邊既人~~如家人~housemate再自然d咁tum佢出門口~~
(二)
o係呢個過程...我係唔見左個眼鏡嫁...
事後先比阿爸o係草地搵返...=.=
都唔知係幾時跌既...好采冇爛ja!!
(三)
中途我地有d嘈~
比我阿媽行出黎話~~"仲以為有咩街童..咁夜都仲咁嘈..."
點知出黎見到係自己個女....個粉樣....